ATTENTION

Please note that this site is now an archive site and is no longer being updated. Updates ceased in May 2003.

For current information please go to

www.paclii.org

VEIKA E SO BALETA NA KORONIVULI NI LAWA

Na porokaramu ni lawa e na Univesiti ni Ceva ni Pasifika e qarava vakatabakidua na kena vakatavulici na lawa ni tinikarua na matanitu ka ra lewena na Univesiti. Na gonevuli vuli lawa e ra cavutu mai na vei matanitu ka ra lewe ni Univesiti. Na vulici ni lawa e na Univesiti ni Ceva ni Pasifika e vakabibitaki kina na kena dikevi na duidui e so ka koto e na lawa ni tinikarua na matanitu ka vakauasivi na kena vakayagataki vakamatau na vei lawa oqo me vei ganiti kei nai vakarau se i valavala ni vei matanitu.

E na kena tauyavutaki na porokaramu oqo e na 1994, na vulici ni lawa ena Univesiti ni Ceva ni Pasifika e soli vakatabakidua vei ira na gonevuli kara gadreva me ra full time. Na i matai ni yabaki ni vuli lawa e na tauri tiko e na Laucala Campus e Suva se Emalus Campus, Port Vila, Vanuatu. Naikarua, katolu kei nai kava ni yabaki ni vuli lawa e na tauri tiko e na Emalus Campus, Vanuatu. Ia na Koronivuli ni Lawa ni Univesiti ni Ceva ni Pasifika e sa tekivu me veitauri talega e na extension mode ka kenai balebale ni oqo e na dolava na sala vei ira na vuqa me ra na vulica na vei lawa ni vei matanitu ka ra lewena na univesiti.

Na Koronivuli ni Lawa e na Univesiti ni Ceva ni Pasifika e raica vakamatua na kena vakatavulici na lawa e na vakatagedegede e uasivi ka ra veitauri kina o ira e ra vakaivola e na lawa. O ira e ra veivakatavulici e Koronivuli ni Lawa kei ira na gonevuli e ra vakayacora talega e vuqa na vakadidike me laurai kina na vei lawa ka vei ganiti kei na duidui matanitu e na Ceva ni Pasifika. Na vuli lawa e na Univesiti ni Ceva ni Pasifika e gadrevi vakalevu kina na nodrau duavata na qasenivuli kei ira na gonevuli.

E na veiyabaki na Koronivuli ni Lawa e dau sureti ira na so ka
ra vakaivola torocake e na lawa me ra dau mai veitauri ka solia
na nodra nanuma se veivuke e na kena vakatorocaketaki na vuli ka me baleta na lawa e na Univesiti ni Ceva ni Pasifika. Na Koronivulini Lawakei na Institute of Justice and Applied Legal Studies (IJALS) e rau cakacaka vata e na vakatavulici ni lawa kei na vuli torocake vei ira ka ra sa taura na nodrai vola ni lawa se LLB.

Na vulici ni lawa kei na kena yaga e vakavatukanataki e na kena gadrevi, sega walega e na tabana ni lawa, e vakatalega kina na veitabana ni matanitu kei na private sector me vaka na tabana ni commerce, industry, management kei na public service. E kena i balebale oqo ni kila ka vakalawa e sega wale ga ni i vurevure ni cakacaka e na tabana ni lawa ka ni sai nakinaki ni Koronivuli ni Lawa e na Univesiti ni Ceva ni Pasifika me na vakarautaki ira na gonevuli me ra na rawa ni vakaitavi e na vei tabana kece ni cakacaka ka tu e na Ceva ni Pasifika. Na Univesiti ni Ceva ni Pasifika e sa tu vakarau e nai nakinaki bibi me na solia na nona veivuke e na vuku ni kena vakatorocaketaki na vulici ni lawa e na Ceva ni Pasifika me vei ganiti kei na gagadre ni vei matanitu ka ra lewena na univesiti.

 

 

* For information regarding the Pacific Languages Unit at USP Port Vila Campus click here.

 

[About the School of Law] | [Courses Offered] | [Course Materials] | [Staff]
[Pacific Law Materials] | [Journal of South Pacific Law]
[Emalus Campus Library] | [Recommended Internet Links]
[Latest Additions]  | [Search the Site]

© University of the South Pacific 1998-2002

If you have any comments, suggestions or difficulties with using this web site please email
Robynne Blake, Internet Project Manager, The School of Law, The University of the South Pacific or fax: (678) 27785

Last Update: Monday, June 02, 2003 08:20