ATTENTION
Please note that this site is now an archive site and is no longer being updated. Updates ceased in May 2003.
For current information please go to
TAEKAN REIREIN TE TUA Iai ana waaki ana Kuura te Tua n te USP ibukin karekean te itoman ke te katiteuanaaki iaon reiakinan tuua. E boboto te waaki aio iaon tuan te Betebeke Maiaki ike angia ana ataei te kura aio bon roko man te aono anne. Ibukin baikai are e a kuneaki bwa te 'Kakaokoro' boni ngaia te boto ni iango ae e na riai ni katuruturuaki ianngoakina. Ngkana ngaia bwa te 'Kakaokoro' aio are e na karekea te itoman ke te katikeuanaki nakon te waaki aio, n aron ae e a bon tia n riki ngkai, e kuneaki bwa e na bon iai naba kaiangatoa ke kanganga aikai ana Kuura te Tua ao n aron iangoana bwa a na bon kona n riki bwa boutokaan ma kakorakoraan te waaki ngkana a karaoaki n angaia ae e eti.
Iai taben ana Kuura te Tua bwa reiakinan tuua ao kairan kakae ake kaineti ma te Betebeke Maiaki. N atakin maitin aba ake a reke iaan USP ( aba ake 12, ma a kona n raka riki ), ao e kakoauaki bwa te anga reirei ao te kakae bon bwaai aika iai irekerekeia.
Man te tai are e tei iai USP n te 1994 ao te waaki aio e bon ti kaineti ma reiakinan tuua nakoia ataei ake a karaoi aia kamatebwai iaon tuua bon man ana kura te tua ( full - time students). Ataei aikai ake a karaoa aia kamatebwai ibukin aia moan n ririki n te Laucala Campus i Suva, Fiji, ke n te Emalus Campus i Port Vila, Vanuatu. Imwin banen te ririki anne ao a manga reitanako aia kamatebai ibukin aia kauoua, kateniua ao aia kaaua n ririki n te Emalus Campus i Port Vila, Vanuatu. N taai aikai ao e tia ni moana katauan reiakinan tuua ana Kuura te Tua n taabo ake iai mwangan iai USP n te aro are a na kona iai ataei n aonon te Betebeke Maiaki n reke riki angaia ni karekea aia atatai iaon aio.
Taben te Kuura aio bwa e na karekea te kabanea n tamaroa man te reirei are e anga iaon tuua. Tabena aio are e kaineti ma reiakinaia ataei bwa a na atai bwaai aika a rangi ni kakawaki ibukin te rabakau aio ma ni iai atatai ni bwaai ake a bongana ibukin te Betebeke Maiaki.
Ni karoa ririki ao ana Kuura te Tua n te USP e aki toki ni kabwakai nanoia Iabatera man aba aika a kakaokoro itinanikun te Betebeke Maiaki ake a ibuobuoki n anga aika a mwaiti ibukin reiakenan tuua ao karaoan kakae rinanon te reirei. Iai naba aia ibuobuoki ana taan reirei te Kuura aio ake a rangi ni kakawaki nakon taabo ake a irekereke ma tuua ni ikotaki ma botaki ake a boutoka aron rikiraken tuua n te Betebeke. E reitaki ana Kuura te Tua ma te rbwata ae e aranaki bwa te ' Institute of Justice and Applied Legal Studies.' Te rabwata aio e bon tabe ma rabakau ao kataneiai ake a bongana ibukin te Betebeke Maiaki.
E teretere ikai bwa reiakinan tuua bon te banna ae e a tia ni keaki nakon te aonnaba bwa tiaki ti te kawai ni kareke mwakuri ibukin taabo ake a irekereke ma tuua, ma a kona naba n reke ma iai mwakuri aika a kakaokoro n aron te bitineti ( commerce), taabo ni karao - bwai (industry), mwakuri ni kairiri (management) ao ai bon taabo ni mwakuri ake a kabuta (public service). Ibukin aikai ao ti kona ni kangai bwa ana Kuura te tua bon te reirei are e na kona n reke ma iai mwakuri n aekaia nako ao tiaki ti taabo ake a kaineti ma te rabakau ke te atatai iaon tuua. Te kuura aio e na bon kona naba ni katauraoia aomata ibukin mwakuri n taabo aika a kakaokoro n aban nako te Betebeke Maiaki. E na reitanako ana mwakuri te kura aio iaon te anga reirei, te kaekae ao mwakuri ibukin botaki nako. Baikai ake a na reke bwa a na ibuobuoki ibukin kaitaraan kainanoia ana botaki te Betebeke Maiaki.
* For information regarding the Pacific Languages Unit at USP Port Vila Campus click here.
[About the School of Law] | [Courses Offered] | [Course Materials] | [Staff]
[Pacific Law Materials] | [Journal of South Pacific Law]
[Emalus Campus Library] | [Recommended Internet Links]
[Latest Additions] | [Search the Site]© University of the South Pacific 1998-2002
If you have any comments, suggestions or difficulties with using this web site please email
Robynne Blake, Internet Project Manager, The School of Law, The University of the South Pacific or fax: (678) 27785Last Update: Monday, June 02, 2003 08:20
