ATTENTION
Please note that this site is now an archive site and is no longer being updated. Updates ceased in May 2003.
For current information please go to
E UIGA I LE AOGA O MEA TAU TULAFONO O le Polokalame o mea tau Tulafono a le USP, e maua ai siosiomaga ogaoga ma le mauagata, i mea tau aoaoga faale - tulafono. O le Polokalame, e fuafua lava i tulafono i totonu o le Pasefika i Saute. O le toatele lava o i latou o lo o aooga i totonu o lenei Polokalame, e mai atumotu eseese o le Pasefika i Saute. O le agaga e faatauaina, o le eseesega.O lea eseesega ua maua ai e le Polokalame le tulaga ogaoga ma le mauagata, o lo o i ai i le taimi nei. O le a le pine foi, e tele ni luitau taua e ati ae mai ai. O ia luitau ua nofo sauni i ai le Aoga ma le mautinoa, e avea ma malosiaga aoga pe a faaaoga tatau.
O le Aoga o mea tau Tulafono ua uma ona i ai lona aiaiga i tulaga tau i le aoaoina o tulafono, ia faatasi ai ma le faatinoina o mea tau suesuega e faasino tonu lava i le Pasefika i Saute. Ia manatua, le tele o Pulega mo le faatinoina, o lo o aofia ai ( pe a ma le 12 o lo o aofia i le U.S.P. o lo o aofia ai ma isi ) a ia mautinoa, o aoaoga ma le faatinoina o suesuega, e tatau lava ona o faatasi.
Talu mai lona faatoa faavaeina i le tausaga e 1994, sa faapitoa lava le Polokalame mo i latou o e o lo o aooga fulltime. O i latou ia e amata o latou tausaga muamua mo le LLB, a le i le Laucala Campus i Suva, Fiji, ia po o Emalus Campus i Port Vila, Vanuatu. O le tausaga lua, tolu ma le fa, e faamaeaina lea i Emalus Campus i Port Vila, Vanuatu. Ae ui i lea, ua amata nei ona faatinoina e le Aoga o mea tau i Tulafono le Polokalame mo le LLB i Aoaoga Faalauaitele, o se tulaga ua fetaui lelei mo e fia aooga mamao mai, mai i totonu o atunuu eseese o le Pasefika i Saute. E avea lea ma auala e mafai ai ona latou oo i le tulaga o aoaoga tau poto atoatoa o aoaoga tau Tulafono.
O le Aoga o mea tau Tulafono a le U.S.P. ua i ai lona aiaiga aua le faatinoina i le mea e gata mai ai lona mafai, i le aoaoina o mea faale - tulafono. Ua uma ona aiaia i e ua i totonu o le lio o mea tau aoaoga, ua mafai ona aoao ma avatu i ai e faiaoga ua lava lo latou tomai ma le poto masani, o e o lo o ia i lo latou naunautaiga i mea tau suesuega talafeagai mo le Pasefika.
I tausaga taitasi, e masani ai le Aoga, ona asiasi mai e o lo o i ai lo latou sao i auala eseese e tele, i le aoaoina o le polokalame mo le LLB, ia po o le faatinoina foi o polokalame tau suesuega i totonu lava o le Aoga. O faiaoga foi a le Aoga, ua tele lo latou fesoasoani i ala eseese, i Faalapotopotoga tau Tulafono, faatasi ai ma auala tau atiinae faale - tulafono i le Pasefika. O le Aoga, o lo o vaavaalua ma le Institute of Justice and Applied Legal Studies, e faaautu i mea tau poto atoatoa, ma aoaoga faapitoa i totonu o le Pasefika.
O le mea tonu, o aoaoga tau tulafono na amata i le tulaga faalauaitele i mea tau galuega, e le gata i le poto i mea tau tulafono, ae o le tomai i mea tau faafetauaiga, falegaosimea, pulega o galuega ma le faatinoina o galuega lautele. I se isi faaupuga, o aoaoga tau tulafono, a le ua avea nei ma ni aoaoga faalauaitele, ma o se tulaga sili atu lea o na lelei nai lo le fuafuaga sa faataatia, e na o le sailina ai o le poto faale - tulafono. O le Aoga o mea tau Tulafono o le a fofoaina atu ai i latou o e ua faamanuiaina ma maua o latou tikeri, ma ua talafeagai lelei a latou sauniuniga ma le tele o Galuega eseese ma avanoa faalauaitele i totonu o lenei vaega o le Pasefika, e oo atu lava i matata tau aoaoga, suesuega, faapea ma le tautuaina o faalapotopotoga faalauaitele, aua lava le sao atoatoa ma ia talafeagai ma manao moomia o faalapotopotoga eseese i totonu o le Pasefika i Saute.
